ازاى شركة Dove قدرت ترفع مبيعاتها بشكل غير مسبوق ؟

ازاى شركة Dove قدرت ترفع مبيعاتها بشكل غير مسبوق ؟
1998 Views Share


مؤخرا بدأت الشركات العالمية تنافس بعض فى انها تقرب من الجانب الانسانى فى اعلانتها و دا طبعا عشان المسئولية الاجتماعية لكل شركة عشان تحقق استفادة ليها وللمجتمع المحيط بيها , و دا اللى عملته شركة Dove  فى 2006 ...

فى سنة 2006 ظهرت حملة دعائية عالمية لشركة  Dove  صانعة منتجات العناية بالبشرة و العناية الشخصية ومستحضرات التجميل اللى مملوكة من شركة Uniliever , بتتكون من صور و فيديوهات و ورش عمل و غيره .. الحملة شجعت البنات انهم ياخدوا صور سيلفى لنفسهم و هتنزل فى معرض عام , تنادى فيها ان كل بنت لازم يكون عندها ثقة فى نفسها ايا كان شكل جسمها و تكون متصالحة مع نفسها و دا حصل بعد ما فى دراسة اتعملت اثبتت ان 2 % بس من النساء بيقولوا على نفسهم جميلات و اكتر من تلتين النساء مقتنعين ان الميديا بتحط معايير مش حقيقية للجمال فى الاعلانات و الفيديوهات و المجلات و غيره من المستحيل انها تتحقق فى ارض الواقع ومش بتواكب توقعات البنات الصغيرين لانهم بيقارنوا نفسهم بيهم , وبيبدأ شعورهم بالحزن لاحباط و بيحصلهم قلة ثقة فى نفسهم ....

 واحد من فيديوهات الحملة هو فيديو اسمه "Evolution " اللى حقق اكتر من 2 مليون مشاهدة فى اسبوعين و حصل على شهرة كبيرة و جوايز كتير و عمل ضجة كبيرة فى هولندا و الولايات المتحدة و الشرق الاوسط و اتعرض فى برامج التلفزيون و ناقشته الاذاعة الوطنية لانه انتقد كل معايير الجمال اللى بتصدرها شركات مستحضرات التجميل و كنتيجة  لكل دا الشركة اعلنت ان المبيعات زادت بنسبة 5.8 % بعد ما كانت الزيادة بنسبة3.9 % السنة اللى قبلها و أظهر الشركة بشكل احسن قدام مستهلكيها... دا كان نجاح كبير الشركة العالمية "  "Uniliever, صاحب فكرة الفيديو دا كان المخرج مبدع اسمه Tim piper اللى شغال فى شركة كبيرة فى نيويورك  بيوضح فيه الحقيقة ورا الفيديوهات الاعلانية اللى بتتتعمل فى الغرب للموديلز و اللى بتظهر فيه جمال المرأة الغير حقيقى , و استعان فى الفيديو بحبيبته و اللى حصل انهم غيروا شكلها فيه من بنت عادية جدا لبنت جميلة جدا سوبر ليدى و دا طبعا باستخدام ميكب و تعديلات كتير و برامج وفوفوشوب عشان يحصلوا على افضل صورة كاملة ممكنة بحاجات زائفة مش الصورة الحقيقية اللى بتمثل الجمال الطبيعى و بينتهى الفيديو بجملة " ليس من الغريب ان يكون مفهومنا للجمال مشوها "

 

 


 

Dove ما زالت بتدعم نفس الفكرة وبتساهم بدورها بتوعية المجتمع بمعايير الجمال الطبيعية والحقيقة.


Sign In

Register

Reset Password