7 أنواع مختلفة للشراكه بين الشركات

7 أنواع مختلفة للشراكه بين الشركات
6824 Views Share

اكيد سمعتم قبل كدا عن مفهوم اسمه " الشراكة " او " strategic alliances " ...


فى عصر التكونولوجيا اللى متعايشين معاه دلوقتى و الانفتاح و العولمة اللى حاصلة , فى احصائيات اتعملت وضحت ان حجم الشراكة ما بين المؤسسات بقى فى ازدياد تدريجيا و بشكل طردى بمرور الوقت بداية من  1990 , فى شركات ابدت تفكرانها تستعين بالشراكة لما لقت ان القيمة اللى هتعود عليها اكتر لو حد شارك معاها مجهودها ومواردها و استفاد هو كمان من انها تبذل المجهود دا لوحدها و مش هتخرج بنفس القيمة بردو , و فى اسباب كتير غير كدا ...


هنتكلم النهاردة عن مفهوم " الشراكة " بتفاصيل و هنتعرف على انواعها و هنعرف مع بعض ان فى اسباب اعمق بكتير بتخلى الشركات تعمل كدا و ايه اللى بيخلى المنافسيين  كمان يتعاونوا !


مبدأيا الشراكة هى اتفاق تعاونى ما بين مؤسستين او اكتر بهدف المصلحة المشتركة اللى ما بينهم انهم يوصلوا مع بعض لاهداف معينة متوافقة و متفق عليها او احتياجات معينة عشان يخلقوا قيمة اكبر لعملائهم و لمؤسساتهم  , و دا مش معناه ان كل شركة بتفقد كيانها او استقلالها لما بتعمل كدا او ان الشركات المتعاونة بتبقى عبارة عن شركة واحدة او بيبقوا كلهم عبارة عن كيان جديد , لأ كل شركة بتتعاون و هى محتفظة بتميزها و اختلافها .

طيب هل بس الشركات بتتعاون فى اتخاذ قرارات او فى الملكية الفكرية بس ؟
لأ التعاون دا بيكون فى حاجات كتير زى مثلا الموارد و قنوات التوزيع و احتياجات الانتاج و معرفة و خبرة و معدات للبيزنس و ملكية و رأس مال و مشاركة فى التكنولوجيا و براءات الاختراع و العلاقات التجارية , و المخاطر اللى بتواجه كل شركة و نفقتها عشان كل شركة تخلق قيمة عظيمة لعملائها و لنفسها .

طب السؤال هنا , ايه الاسباب الحقيقة وراء ان الشركات تتعاون و ليه المنافسين بيتحفزوا انهم يعملوا شراكة ؟

 

  1. - الشركات بتدعم وبتكمل و تتوسع مع بعض عن طريق الشراكة و بتكبر بشكل كفئ و سريع و بتطور من امكانيتها التكنولوجية والتشغيلية .
  2. - الشراكة بتخلى كل شركة تركز فى الانشطة اللى هتميزها فى السوق و اللى تتناسب مع قدرتها اكتر .
  3. - الشراكة بتخلى كل شركة عندها كفاءة و ميزة تنافسية فى السوق عن طريق تبادل الموارد و المعرفة و الخبرة .. الخ
  4. - الشراكة بتساعد كل شركة تتبادل المنفعة مع غيرها , و تستفيد من خبرة الشركة التانية و التفكير فى مصلحة بعض و بتفتح طرق و افكار جديدة ممكن يتم استغلالها .
  5. - فى شركات بتتعاون مع شركات سمعتها كويسة او عندها تكنولوجيا قوية و قنوات توزيع متأسسة كويس , فى بعض الشركات بتميل تعمل شراكة عشان تقلل مصاريف التكلفة او الانتاج او الموردين و توسع نطاق عملها الجغرافى . 
  6. -الشراكة بتقلل نسبة المخاطر اللى كل شركة بتواجها لوحدها .
  7. - الشراكة بتساعد الشركات توسع خدامتها و الفئة اللى مترجتاها , و تزود عدد الزباين و القيمة اللى بتقدمها ليهم .
  8. - الشركة بتخرج نفسها برة نطاق قداراتها لما يكون فى اهداف مشتركة مع شركة تانية و بالتالى هتقدر تزود ربحها و مبيعاتها .
  9. - الشراكة بتخلى الشركات تأسس مكانها فى السوق ووضعها و بتساعدها على ابتكار و ابداع .  
  10. -الشراكة بتنشأ علاقات جديدة و ذات قيمة مع الموريدين و المشترين .

 


الشراكة ما بين شركتين بتتلخص فى نقط معينة قايمة عليها زى الثقة المتبادلة  و التوافق و مقابلة الاهداف المشتركة , الالتزام بحيث يتم افادة الطرفين ..


طب ايه هى بقى انواع الشراكة ؟

الشراكة ليها انواع كتير , هنتكلم عن بعض انواعها :


1 – المشاريع المشتركة (joint ventures  ) : و دا بيشترك فيها شركتين او اكتر عشان يشتغلوا على مشروع لغرض معين بيكونوا شركة شرعيا مستقلة بهدف مشاركة مواردها و قدراتها عشان يخلقوا ميزة تنافسية عالية جدا و بتكون اتفاقات و معاملات رسمية و مش بتحصل فى الشركات الصغيرة لانها بتحتاج التزام كبير و تكلفة .


2- الشراكة متعددة الانشطة )  ( Multi activity alliances : دى بتضم كذا نوع من الشراكة , زى شراكة التكنولوجيا و التشغيل  ودا بيحصل عادة فى الشركات العالمية الي ليها فروع في كذا دولة عشان تسهل عمليات التشغيل ما بين الدول .

3 – حق الامتياز (   ( Franchising : و حق الامتياز بيكون عقد ما بين طرفين مستقلين تمام بيقوم طرف فيه بمنح الطرف التانى موافقة انه يستخدم حق او اكتر من حقوق الملكية الفكرية او الصناعية او الحق فى انتاج سلع او توزيع المنتجات مقابل مبلغ مادى و بيحصل فى فترة محددة .

4 -  الموزعيين ( Distributors) : من افضل طريقة اللى ممكن تسوق بيها منتجاتك هى الاتفاق مع موزعين فى مناطق جغرافية مختلفة وده هيقلل عليك تكاليف انك تجيب عربيات او تستخدم وسائل نقل.


5- التعاقد الخارجي ( Outsourcing) ببساطة انك هتخلي شركة تانية او شخص تاني يعمل ليك وظيفية معينة في شركتك, زي الشركات الي بتكون متعاقدة مع وكيل اعلاني بيكون مسؤول عن الترويج والدعايا للشركة .

6– الشراكة الافقية (alliance   Vertical) : شراكة بتم ما بين شركتين فى صناعات مختلفة مختلفة , و النوع دا من الشراكة شائع جدا ما بين الشركات اللى بتقدم خدمات , لانهم بشاركوا الخبرات .

7- الشراكة الرأسية   (Horizontal alliance ): شراكة بتم ما بين شركات فى نفس مجالات الصناعة , بتم فى اغلب الاوقات فى المواسم لتعديل حاجات او لتحقيق نطاق معين .

 

مين حابب يدينا مثال علي كل نوع منهم؟


Sign In

Register

Reset Password