لو مفيش تسويق هيحصل اية؟!

لو مفيش تسويق هيحصل اية؟!
1657 Views Share

 

مش هتحتاج تتخيل لأنه واقع قائم في شركات كتير انها تكون من غير فريق تسويق أو شركة خارجية كمتعهد أو علي الأقل فرد واحد ماركتير في الشركة يقوم بالأنشطة التسويقية المختلفة.

لو الشركة صغيرة يعني مواردها (فلوسها بالأخص) محدودة ممكن ماتحتاجش فريق HR، المدير أو المالك هيقابل الناس ويعينهم ويفهمهم الشغل ويتابع حضورهم وانصرافهم خاصة وان عددهم هيكون قليل. وإن كان طبعا وجود فرد واحد متخصص أو HR Generalist هيساعد كتير في عميلة تعيين الأفراد الصح وتدريبهم كما يجب ومتابعة سلوكهم وانضباطهم.

غالبا مش هيحتاج حد بتاع تمويل finance عشان يقوله هيجيب الفلوس منين ويصرفها فين –وان كان وجوده مفيد لو الشركة تقدر- لان الشخص صاحب الشركة غالبا مش بيعمل الشركة الا بعد ما بيعمل دراسة بسيطة كدا حتي لو في دماغه مش مكتوبة- معاه كام وهيمشوه قد ايه وهيصرف في ايه.

كمان مع الحجم الصغير للشركة في الأول مش لازم يكون في محاسب لان الداخل والخارج قليل دا غير ان مفيش فلوس كتير تتصرف علي المرتبات لوظايف مش مهمة في الوقت دا .. وبالنسبة لحسابات المرتبات وصرف الشيكات فسهلة أي حد هيعملها.

لكن علي النقيض

لو قدمت منتج أو خدمة السوق مش محتاجها، من غير ماتعمل بحث تسويقي،

لو سعرت المنتج أو الخدمة بتاعتك بسعر عالي علي العميل عشان تغطي مصاريفك أو بسعر قليل عشان العميل يشتري كتير وطلع العميل عاوزها غالية لان السعر عنده معيار للجودة،

الدولار غلي وانتا مش عامل حسابك انه هيغلي وتكلفة وارداتك زادت الضعف ومش عارف هتعمل ايه لمجرد انك مش متابع الحالة الاقتصادية للبلد،

مجلس الشعب طلع قانون جديد زود الضرايب علي منتجك او مادة خام بتستخدمها وبالتالي تكلفة التصنيع زادت فجاة ومش عارف هتغلي علي العميل ولا هتشيل معاه في الزيادة،

طرحت منتجك للبيع للسوق كله بدون تمييز وفئة بسيطة بس هيا اللي اشترت وكسبت بس مكسب قليل مش اللي انتا مستنيه!

استهدفت فئة معينة وبعتلها وبعد فترة اكتشفت انك لو استهدفت واحدة تانية بدل دي كنت هتكسب أكتر دلوقت وقدام،

عملت صفحة علي الفيسبوك وصرفت كتير علي الاعلانات عليها بس مفيش زيادة في المبيعات واتضح بعد كدا ان دي مش وسيلة مناسبة لترويج منتجك لأن الشريحة المستهدفة بتاعتك مابتشتريش من الفيس بوك (B2Bمثلا) أو انستجرام كنا أفضل من الفيسبوك،

شغال من غير ويب سايت والناس بتدور عليك مش بتلاقيك وعمال تخسر في عملاء كان ممكن يجولك لمجرد انك عامل ويب سايت،

عامل ويب سايت بس مش بيظهر في جوجل في النتايج اللي في الأول وبالتالي العميل بيروح لمنافسينك مش بيجيلك .. جبت حد عملك SEO وخلص ومشي وانتا مش واخد بالك انها مهمة مستمرة علي طول،

عملا كتير معاك بقالهم كتير ويعتبروا من أصحاب الولاء ومش عاملهم حاجة مميزة عن الباقي Loyalty program فبدأوا يسبيوك واحدة واحدة وانتا مش عارف السبب،

عامل محلات أو منافذ توزيع في أماكن مش مناسبة للعميل وبالتالي المبيعات في الأرض وانتا مش قادر تعرف السبب .. ممكن تكون عاملها في منطقة زحمة أو بعيدة أو راقية أوي أو العكس خالص ودا مش مناسب لعميلك،

المنتج نفسه تغليفه مش مناسب أو الازازة مش بتقفل كويس او لو مشروب مش بتدخل في باب التلاجة (زي بيبسي في احدي الدول الاوروبية) وبالتالي العملا بيفضلوا المنتج المنافس،

عامل صورة ذهنية لنفسك عند العميل إنك أرخص سعر في السوق أو اعلي جودة في السوق ودا مش حقيقي أو حقيقي بس لفترة معينة ومش قادر تحافظ عليه،

فريق خدمة العملاء مش مدرب كويس ومش فاهم معلومات مهمة عن المنتج والعميل بيسأل والموظف بيرد غلط ، وخدمة مابعد البيع غير موجودة ،

المحل أو الفرع بتاعك مش مجهز تجهير مناسب للعميل.. مش نضيف.. ريحته مش مناسبة لتجربة الشرا او نوع المنتج .. طريقة ترتيب المنتجات في المحل مش مظبوطة

نزلت راعي Sponsor في ايفنت مش مناسب خالص لنوعية نشاطك وفئة منتجك وبعد ماصرفت كتيراكتشفت ان كان في ايفنت تاني أنسب لو كنت نزلت فيه كان هيحسن صورتك ويزود وعي الناس بيك وبالتالي يزود مبيعاتك عالمدي الطويل!

عملت ديزاين لوجو مش واضح وألوان فاقعة ومش متناسقة وشعار Slogan مش متماشي مع هوية علامتك التجارية وبالتالي كل دا ما علقش في ذهن العميل وما بقاش عارف يميزك عن المنافسين،

وغيرها كتير عناصر أو عوامل الماركتير بينسقها مع بعضها وبيحللها باستمرار عشان الشركة توصل لهدفها النهائي وتحافظ عليه وتطور نفسها بما يتماشي مع السوق والعميل.

Key word (Marketing role):

  1. Research
  2. Product Development
  3. Brand Identity
  4. Target Segment
  5. Positioning
  6. Environmental analysis
  7. Pricing
  8. Communication
  9. Company Image
  10.  Social Media
  11.  SEO
  12.  Website
  13.  Follow-up
  14.  Planning
  15. Improvement
  16. Customer Service
  17. Distribution
  18. Online Advertising
  19.  TV Ads
  20. Outdoors
  21. Store Experience
  22. Team Training
  23. Competition Strategies

 

 


Sign In

Register

Reset Password