بوست مجمع كل السبع حاجات اللى تخص الماركتنج و البيزنس (الجزء الاول)

سبع حاجات في التسويق
8046 Views Share

Callmars جمعت لكم فى البوست القوى دا كل السبع حاجات اللى اتكلمنا عنها فى كل بوستاتنا قبل كدا عشان نساعدكم و تبقى سلسلة قوية ليكم تحتفظوا بيها كمصدر لتعليم الماركتنج و البيزنس بشكل عام :

 

  1. 7 TEDx shows فى الماركتنج لازم تشوفهم :

من الممتع جداً كطريقة تعلم فعالة إنك تتفرج على TED Talks عن أى مجال أنت مهتم به، أو تسمع قصص و خبرات ناس فى المجال ده بطريقة شيقة عشان تتعلم حاجة جديدة و تخرج بمعلومة مفيدة من الحوار، و بما إنك فى الصفحة دى متابع لينا و مهتم بمجال التسويق ، فاحنا فكرنا نساعدك و نجيبلك سبعة TED Talks من افضل الحاجات عن التسويق : 

1- https://www.youtube.com/watch?v=xBIVlM435Zg
(سيث جودن، كاتب و ماركتير و رائد اعمال، بيتكلم هنا عن إزاى تنشر فكرتك أو إختراعك أو مشروعك بأقل مجهود بغض النظر عن ماهيته او نوعه، و إازاى تخلى الناس تسمعك و تهتم بإعلانك و تنتظر منك كل جديد و إيه اللى بيخلى المبيعات و الأرباح تزيد فى شركة و شركة تانية لأ و من خلال ال TED بيضرب أمثلة كتيرة ناجحة و غير ناجحة من الشركات عشان يوضح به)
2- https://www.youtube.com/watch?v=sR-qL7QdVZQ 
(دكتور فيليب كوتلر الأب الروحى للتسويق، كاتب و مستشار فى مجال التسويق، بيتكلم فى الفيديو ده عن تاريخ الماركتنج و نشأته و أصله، و مين أول ماركتير، و علاقة التسويق بالإقتصاد و النقد)

3- https://www.youtube.com/watch?v=DR_wX0EwOMM 
(جاى كاوساكى، متخصص تسويق و كاتب، و كان من موظفين شركة Apple المسؤول عن تسويق أجهزة الحاسب الألى، اشتغل مع ستيف جوبز سنين طويلة و فى ال TED ده بيشرح أهم الدروس اللى إتعلمها من ستيف جوبز لكل مسوق و كل رائد أعمال)

4- https://www.youtube.com/watch?v=audakxABYUc 
(رورى سيذرلاند، مدير قسم الإعلانات فى واحدة من الشركات العالمية، بيشرح خبرته و تجربته و القيمة الحقيقية اللى بتخلقها الإعلانات فى عقول الناس و بيضرب امثلة لشركات مختلفة و كيفية استخدامهم للاعلانات)

5- https://www.youtube.com/watch?v=z8oTLlItoV0 
ال TED ده بيحكى عن تغير العالم و مفهوم المعرفة و الوعى و تَبنى أستراتجيات ماركتنج جديدة و إزاى هيبقى مستقبل الماركتنج . 

https://www.youtube.com/watch?v=9uOMectkCCs-6 
فى ال TED ده واحد من الشخصيات العظيمة الإبداعية و هو طونى فاضل، مخترع IPod و IPad ، إشتغل بجانب ستيف جوبز سنين طويلة لحد ما قدر يبتكر و يفتح مشروعه الخاص و هنا بيحكى قصص عن الناس المبتكرة اللى بتفكر برة الصندوق، و بيتكلم عن الإبداع و إزاى تكون شخص مبدع . 
7- https://www.youtube.com/watch?v=m_KX_vxVsJc 
الTED ده بيتكلم عن مفهوم التسويق و تاريخ تطوره و تأثره بالتكنولوجيا الحديثة و الثورة الصناعية على مدى السنين و إعتمادنا عليها فى مختلف الجوانب زى التواصل الإجتماعى لحد دخول الديجيتال ماركتنج.

.............................................................................................................................................................................................

2- خدعة البحث التسويقى ( أشهر 7 اانتقادات الموجهة للبحث التسويقى ) :

البحث التسويقى هو خطوة مهمة جدا لاى شركة فى اى مجال بغض النظرعن كبر حجمها او صغرها , او لو لسة هتنشأ شركة او بالفعل موجودة فى السوق .. كرائد اعمال لازم تدرس السوق كويس , تعرف منافسيك , محتاج تعرف اجابات لاسئلة كتير تخص منتجك او الخدمة اللى بتقدمها , محتاج تعرف الفرص المتاحة قدامك و ازاى تستغلها صح .. فى أقاويل كتييير زائفة و اساطير اتوجهت للبحث التسويقى , فى البوست دا هنتكلم معاكم عن معظم الانتقادات المشهورة جدا وهنحاول نصحح مع بعض المفاهيم دى و نرد عليها :

1- يقال أن : البحث التسويقى مكلف جدا ...
* البحث التسويقى ممكن يتصمم بحيث انه يناسب اى ميزانية من بسيطة جدا لكبيرة جدا و الموضوع راجع ليك , انت اللى تقيم البحث التسويقى هتدفع عليه قد ايه و لو هتدفع مبلغ كبير , لازم تكون متأكد ان دا هيزود مبيعاتك او هيفيدك بنفس القيمة , دا اختيارك فى الاول و فى الاخر و كل اللى هتحتاجه بس انك تلاقى باحث تسويقى يساعدك انك تعمله و تلاقى المعلومات اللى محتاجها بالسعر اللى يناسبك *

2- يقال ان : البحث التسويقى التقليدي اللى هو وجها لوجه , افضل من الاونلاين : 
* لأ , الاتنين مهمين فى الحياة العملية , التقليدى لانك ممكن تكون مترجيت شريحة الناس الكبيرة فى السن اللى مش بتستخدم الانترنت او مش على دراية كاملة بيه او الناس اللى مش بترتاح اون لاين , و احيانا ممكن تكون محتاج تاخد الكلام من الناس و هم بيدوك رأيهم وجها لوجه عشان تشوف لغة الجسد و غيره اللى هيأثر على النتيجة , و من جانب اخر دلوقتى التسويق الالكترونى عمل ثورة كبيرة و بقى ليه اهمية اكبر بكتير من زمان و ناس كتير بقت بتعتمد عليه من غير تكلفة او مجهود و بيدى نتايج هايلة *

3- يقال ان : الباحث التسويقى مش هيفهم كويس البزنس بتاعى و مدى تعقيده : 
*لا الكلام دا مش صحيح , الموضوع جزء كبير منه مش بيخص نوع البزنس بتاعك اد ما بيخص خبرة و فهم و مهارة الباحث فى المهمه اللى انت موظفه فيها و هو دوره يدلك على المعلومات اللى محتاجها و يعرف ازاى يعمل " بحث تسويقى " و معرفة بسيطة بالبزنس بتاعك هتساعده , و دورك انت محتاج تفهم البزنس بتاعك كويس , الباحث الناجح هيوصلك لاهدافك بغض النظر عن نوع البزنس * 

4 – يقال ان : تجميع معلومات كتير كافى جدا ...
*حاليا انك تلاقى المعلومات اللى انت محتاجها بعد دخول ثورة الانترنت بقى مش حاجة صعبة , بس دورك انك تشوف ايه المعلومات اللى ليها قيمة و هتفيدك و ايه اللى ملوش لازمة , الباحث التسويقى الناجح هو اللى مش بس يعرف ازاى يجمع معلومات , لا دا كمان هيدور كويس جدا عشان يكتشف طريقة يميزك عن غيرك فى السوق *

5- يقال ان : احنا عارفين زبايينا كويس , البحث التسويقى هيعرفنا المعلومات اللى عارفينها بالفعل : 
*لو انت عارف الشريحة اللى انت مترجتها و ليه يشتروا منك , استعانتك بباحث تسويقى هتعرفك حاجات اعمق و يكشفلك حاجات مكنتش واضحة بالنسبة لك ظاهريا , و لازم تعرف اننا فى بيئة دينامكية متغير و سوق متغير , و الرغبات بشكل مستمر بتتغير , حتى اعتقدات الزباين بتتغير , الباحث التسويقى هيساعدك تتغلب على كل دا . *

6- يقال ان فى طرق عالمية ثابتة فى تجميع معلومات البحث التسويقى و تحليلها :
*كل طريقة و تكنيك ليه مميزاته و عيوبه , و مفيش طرق عالمية ثابتة لكن كل حاجة بتختلف حسب الموقف و ايه الانسب اكت للبزنس بتاعك , و بالرغم من كدا , فيه بعض الطرق فعالة و كفئ اكتر من غيرها * 

7- يقال ان : البحث التسويقى المفروض يتعمل بس فى حالة وجود مشاكل فى البيزنس : 
*البحث التسويقى هو عمليه مستمرة , و البيزنس بتاعك مش هيستنى لما مشكلة تحصل عشان يستكشف سوق العمل , لكن لو قدرت تتعرف على الحاجات المتعلقة بالبحث التسويقى , دا هيجنبك بنسبة كبيرة انك تتعرض لمشاكل فيما بعد او خطر عالبزنس الخاص بيك *

و طبعا مش معنى كدا اننا منعملش بحث تسويقى , لكن لازم نفسهم سلوكيات الناس صح و نميز كويس و مناخدش المعلومات من مصادر مش موثوقة .

.......................................................................................................

 

3- أهداف الترويج السبعة :

ليه أعمل إعلان عن المنتج بتاعي؟ طرق النشر زي الإعلان وترويج المنتجات والدعاية من أهم طرق التسويق. والإعلان الناجح هو اللى يقدر يجذب العملاء المناسبين بجانب إنه يِسَرَع وصول الشركة للتارجت اللى هي عايزاه بأسرع وقت ممكن. 

هنتكلم شوية عن طرق الإعلان ونشرح أهدافه بإختصار وليه إحنا أصلا بنستخدم الإعلان بوجه عام :

1- الإعلان ببساطة هي الطريقة اللى بتوصل بيها المنتج أو الخدمة اللى إنت بتقدمها للعميل وبتبلغه بالمنتجات اللى موجوده دلوقتي في السوق وكل المعلومات اللى عايز العميل يعرفها زي : السعر وأماكن بيعها وإيه هو المنتج بالتفصيل ومميزاته إيه عن باقي المنتجات والغرض الأساسي إنك تضمن زيادة الأرباح اللي الشركة بتبقي عايزه توصل ليها وكمان بتشجع الناس إنها تجرب تستعمل منتجك الجديد و بتدى الصورة الذهنية للشركة و النوع دا من الاعلانات بيسمى الاعلان الاخبارى و بيبقى فى المرحلة التمهيدية لتقديم المنتج فى السوق .

2- الإعلان بردو بيزود وعي الناس بالمنتج أو الخدمة اللى الشركة بتقدمها بوجه عام دا غير إنه بيقنع الناس بالشركة دوناً عن غيرها من الشركات المنافسة عن طريق إنه بيعرف العميل مين هي الشركة وإيه عروضها وبالتالي بيوجه العملاء للشركة ويشد إنتباههم ليها بشكل ملحوظ عن باقي الشركات. 


3- كمان الإعلان بيساعد المنتجين وبالأخص الشركات إنها تتعرف على اللى بينافسوهم في السوق وبالتالي هيرفعوا من أدائهم في صناعة المنتجات أو الخدمات اللي بيقدموها عشان يوصلوا لنفس مستوي الشركات التانية مش بس كدا دا بيكون هدفهم إنهم يتفوقوا كمان عشان يضمنوا المكان الأول بشكل ثابت في السوق.

4- فى نوع كمان من الاعلانات يسمى الاعلان الاقناعى وهو اللى بتستخدمه الشركات عشان تقنع المستهلك انه يشترى دلوقتى و تفكره بتميز المنتج و الاستفادة القصوى من استخدامه و ليه يختار الماركة دى و ايه والخصومات أو العروض اللى عليه و طبعا كلنا بنلاحظ ان اصلا معظم الاعلانات اللى بنشوفها فى السوق , و دا بيكون فى مرحلة المنافسة و النمو فى السوق . 

5- وفي بعض الشركات بتستعمل الإعلان عشان تشد العملاء اللى كانوا بيستخدموا المنتج بتاعها قبل كدا وتفكرهم إن المنتج اللى كان عاجبهم لسا موجود ومعروض للبيع وبالتالي قدرت تنشط عملية البيع لإنك عرفت تجذب شريحة كبيرة من الناس اللى كانوا بيستخدموا المنتج بتاعك وتوقفو عشان يحافظ على وجود المنتج دا فى ذهن الناس و النوع دا بيسمى الاعلان التذكيرى .

6- زيادة حجم المبيعات و زيادة ربح المؤسسة و زيادة الزبائن من الاهداف الاساسية و النهائية للاعلانات .

7- انت ممكن تخسر زباين عندك بطريقة او بالتانية , زى مثلا ظهور منافس ليك افضل فى السوق فالزباين بتتجه له , فى بعض الشركات الصغيرة بتلجأ انها تستخدم الاعلانات كوسيلة انها تستبدل الخسارة دى عشان تجذب زباين اكتر و طلب اكتر عليها .

..............................................................................................................................

4- أهم سبع نصائح لاختيار اسم لشركتك :

عملية تسمية شركتك صعبة ومرهقة واحياناُ بتوصلك لليأس عشان تختار اسم يستمر مع شركتك للابد ويعبر عنها وعن رؤيتك واهدافك ويكون سهل وبسيط 
وعشان احنا فى كولمارس جربنا المعاناة دى قبل كدا 
فقررنا نختارلك اهم واقوى 7 نصائح لأختيار اسم شركتك 

1/ألاسم القوى بسيط .

حاول ما تختارش اسماء قوية وتقيلة فى نطقها عشان تظهر ان الشركة قوية ده غلط كليا 
لان بكل بساطة المستخدم بيفتكر الاسم السهل والبسيط والقادر على نطقه بسهوله 
عشان كدا اعتمد انك تختار اسم سهل نطق وكتابه ويا حبذا لو نطقه عربى زى نطقه بالانجليزية ويكون ذو مغزى للجمهور مش بس ليك انت 
بيقولك واتكينز "اى وقت هتضطر تشرح فيه اسم شركتك هتبقى قللت من قيمة العلامة التجارية بتاعتك."

2/لا يكون تقليدا.
Pinkberry، ده اسم مصنع زبادى مثلجة بعد ما عرفت اسمه فكر بقى سمعت كام مرة كلمة BERRY فى حاجات كتيرة 
هنا هو استسهل على نفسه خالص واختار اسم تقليدى و اتحرق ميه مرة قبل 
لذلك ابتعد عن الاسماء التقليدية والمنتشرة 

3/اختار اسم يعبر عن مدى توسع عملك فالمستقبل وليس فقط ما تقدمه فالوقت الحاضر.
لو انت هتفتح مصنع احذية فالوقت الحالى اوعى تختار الاسم مثلا ( سامى للأحذية ) طب افرض يا سامى حبيت توسع وتعمل شنط ولا احزمة ولا اى منتجات من الجلد كدا هتبقى زنقت نفسك فى اسم ضيق اوى 
وسعها على نفسك و اختار اسم يظهر رؤيتك لعملك

4/استخدام مفردات من لغات اخرى

اظهر لهم الثقافة وهات كلمة من اى لغه تانية الناس هتحس شركتك حاجة فخمة كدا 
أمثلة أوبونتو نظام التشغيل الذي يأخذ اسمه من فلسفة الأفريقية الولاءات الشخصية والعلاقات.

5/لا تتتبع الشائع 

اوعى ال Trends ده طالع نازل ومش همه حد لو اختارت اسمك تبعاً للتريند هتأثر سلبيا على شركتك لان بكل بساطة 
دى استراتيجية قصيرة الأجل معتمدة على خوارزميات جوجل الحالية، وجوجل قد تغير الخوارزميات مرات عديدة بالفعل.
يعنى TREND انهارده مش TREND بكره 

6/ الاختيارات الكثيرة والمختلفة 
جمع العيلة والصحاب والجيران واهل الحته واديهم ورق واقلام وخليهم يكتبوا افكارهم ومقترحاتهم للاسماء 
بقى معاك اسماء لمية شركة اختار براحتك .

7/ يروى قصة عنك او يحمل طابع شخصى 
حلو انك تحط التاتش بتاعك حاجة لها علاقة بيك بس تكون واضحة ومفهومة
عشان هتتسال عن سبب التسمية وقتها ترعف ترد وتحكى اد ايه الاسم مؤثر فى حياتك .

اختيار اسم شركتك كل ما تعبت في اختياره واختارته بعنايه ودقة هيساعد شركتك انها تكبر وتحقق انتشار 
لو عجبك المقال واستفادت منهم اعمل شير مع صاحبك اللى ناوى يفتح بيزنس خاص بيه

...............................................................................................................................

5-  7 طرق فعالة للحفاظ على شركتك الناشئة :

ركز كدا معانا , زى ما عرفنا فى البوست اللى فات و دردشنا معاكم فى اخطر 7 حاجات ممكن تأثر سلبيا على البيزنس بتاعك و تأدى بيه للفشل , فى البوست دا هنكلمك على العكس عن الجزء الايجابى , ألا و هو ايه اهم 7 أسباب لنجاح الشركئة الناشئة و الكلام دا مبني على دراسة و نتائج لاكبر شركات ناجحة و ايه اللى ساعدها تتطور و تنمو بشكل فعال : 

1- التوقيت : 

التوقيت بيلعب اهم دور فى الاسباب دى بنسبة 42 % ما بين النجاح او الفشل , و التوقيت تعنى هنا هل فكرتك دى لو اتطبقت الناس مش هتقدر تستوعبها لانها متقدمة بزيادة على الواقع حاليا و الطبيعى ان التغيير بيتم على مراحل متدرجة , فبالتالى وقتها مش دلوقتى و المفروض تنزل بحاجة ابسط منها و تحتفظ بيها مستقبليا لحين لزومها و لحين وقتها المناسب , او ان الفكرة دى بالفعل قديمة و اتطبقت و هيبقى ليك منافسيين كتير بينفذوا نفس الفكرة و كمان وصلوا بيها لمرحلة متطورة جدا .. ؟

2- قدرة على التكيف من فريق العمل و التنفيذ : 

طبعا زى ما قلنا ان البيئة فى تغير مستمر , و تفضيلات و ازواق الناس بتتغير .. طبيعى ووارد ان بعد كل مجهودك فى التخطيط انك تتصدم لما تنزل على ارض الواقع و تلاقى مفيش قبول من العميل او تلاقى فى تغيير حصل , قدرة فريق العمل على وجود التكييف و المرونة على تقبل التغيرات دى و الرد عليها بالتفيذ دا من الاسباب اللى بتساعد على نجاح الشركة الناشئة و التطوير المستمر لنفسه .

3- الرؤية : 

لو حاطط رؤية واضحة من الاول , دى هتبقى القوة اللى هتساعدك تنجح و توصل للى عايزه و هتبقى كأنها البوصلة اللى هترشدك تكمل ازاى .
هل معني كده ان رؤيتك وخطتك مش هتتغير؟
بالعكس 
ده اكيد هتتغير

طيب فايدة الرؤية ايه طالما كده كده هتتغير؟
الرؤية هتتغير نتيجة خبرات وتجارب علي ارض الواقع وده هيعمل عندك نمو في رؤيتك وهتكون اشمل وأصح بعكس لو مفيش رؤية وفي تخبط ساعتها مش هتعرف تحكم علي افعالك وخبراتك هل هي صحيحة ولا لا.

4- مخطط نموذج العمل التجارى او البزنس موديل : 

و دا بيتم اثناء التخطيط للمشروع , تأكد من ابتكار نموذج عمل دقيق بالنسبة لمشروعك و دراسته كويس ودا اللى هيدخلك ربح فيما بعد و هيضمن استمراريتك و يقلل من نسبة وقوعك فى الخطأ .

5- التمويل :

بمعنى ان يكون عندك ضمان استمرارية تدفق نقدى لمشروعك كضمان لاستمراريته او طرق تقدر تحصل بيها مستقبليا على تمويل.
حاول لما تبدأ مشروعك تكون مأمن استمراريته لفترة زمنيه والفتره الزمنيه دي بتختلف من صناعة لنصاعة.
يعني ممكن تكون محتاج تأمين سنة وممكن تكون محتاج تأمين شهرين بس وده بتعرفه بتوقع امتي أقرب عائدات ممكن ترجعلك.

6- الرؤية طويلة المدى لا تغني عن الاهداف قصيرة المدي :

حلو انك تبص لبعيد ويكون عندك خطة استراتيجية بس خليك فاكر ان تحقيق اي هدف كبير لازم بيكون عن طريق تحقيق مجموعة من الاهداف الصغيرة عشان كده انت لازم تقسم هدفك الكبير علي مراحل وكل مرحلة ليها الهدف بتاعها.
مجموعة الاهداف الصغيرة هي الي هتوصلك للكبير.

7- الاهتمام بالعملاء : 

كونك بترضى العميل و تهتم تحل له مشكلة معينة فى المنتج او الخدمة اللى بتقدمها , دا هيضمن حصولك على عملاء اكتر و نجاح و ربح فى المقابل من كلا الطرفين.
في الوقت الحالي الاهتمام بالعميل مش رفاهية ده اساس من اساسيات نجاح اي بيزنس.
في اكتر من منافس مستني انه ياخد عميلك منك وانت من غير الاهتمام بيهم بتديهم الفرصة انهم يتحولوا لعملاء عند المنافسين.

كالعاده لازم نوضح ان دول اهم الاسباب من رأينا لكن في غيرهم كتير مهمين وعاوزينك تشاركنا رأيك في أهم الاسباب الي تساعدنا نحافظ علي شركائتنا,

........................................................................................................

6-  7 حاجات خطر على شركتك الناشئة :

لو عندك فكرة مشروع جديد وخططت ليها بشكل جيد , اكيد خطر على بالك ايه مدى احتمال فشل الشركة دى و ايه اللى ممكن تكون اسباب فشلها و يكون عائق خطر فى طريق نجاحها.... فى احصائية اثبتت فشل 95 % من الشركات الناشئة , و 5 % بس هم اللى نجحوا و استمروا ونموا اكتر ..... فى دراسات كتير اتعملت فى الموضوع دا و هنعرض عليك اهم الاسباب بشكل مختصر ووافى :

1- الثقة الزايدة فى كفاءة فكرتك و قوتها اللى بتأدى لعدم درساتك للسوق كويس و معرفة احتياجات الناس الحالية : 

الثقة الزايدة فى روعة و قوة فكرتك مش ديما لصالحك , عشان كدا لازم دا ميخلكش تنسى انك تدرس الشريحة اللى انت مستهدفها كويس و هل يمكن انك تطبق فكرتك و تشوف السوق محتاجاها و لا لأ.

2- التخطيط السيء للموارد المالية : 

عشان تضمن ان البزنس بتاعك ينمو , لازم تضمن رأس مال زائد عن خطة احتياجك , لان دايما بتظهر حاجات مش متوقعة مكناش عاملين حسابها قدام و ممكن تكون عائق فى ان البزنس ميكملش.
كمان حاول تصرف الفلوس في الحاجة المهمة ثم الاقل أهمية وهكذا, وأي حاجة غير ضرورية ومش محتاجها في الوقت الحالي يبقي الأفضل انك متجبهاش.

3- عدم وجود فريق عمل كفئ بالشركة: 

فريق العمل بيلعب دور مهم فى تحديد نجاح المشروع من فشله , وجود فريق عمل منتبه و حريص و نشيط و مبدع هيساعد الشركة تنمو بشكل سريع وتتطور.
بعض الشركات الناشئة المؤسس بتاعها دايما بيقع في مشكلة انه اختار اصحابة يكونوا معاه في البيزنس ده, وجود الاصحاب قد يكون شيء ايجابي لو فيه تفاهم ما بينهم ويمكن يبقي شيء سلبي لو مفيش قواعد محددة تحكم علاقة الشغل ما بينهم.

4- عدم وجود القدرة الكافية على المنافسة فى السوق : 

لازم تدرس كويس مين بينافسك فى السوق و بيتميز عنك بأيه ( تكنولوجيا حديثة , سعر , جودة ....) عشان تقدر تخلق حاجة تتفوق بيها عليه و تنافسه فى السوق , لو مأدركتش منافسيك , دا هيأدى بيك لفشل مشروعك و خروجه من السوق.
لو معندكش ميزة في مشروعك ببساطة العملاء هيشتروا من الي هيديهم ميزة, أو علي أقل تقدير ده هيخليك زيك زي غيرك وممكن في اي وقت منافس اقوي منك يخرجك من السوق.

5- سعر المنتج و جودته : 

من أخطر القرارات الي ممكن تخدها قرار تسعيرك للمنتج عشان كده لازم تعرف ان السعر غالبا بيكون مرادف للجودة بتاعت منتجك.
لو سعرك عالي ومفيش مقابل قدام السعر ده, الناس بتقع ما بين حب منتجها بدرجة تخليها تبالغ في سعره او في انها متقدرش منتجها بقيمتة الحقيقة عشان كده حاول تشوف اقرب منافس ليك بيقدم جوده انت متوقع انك هتقدمها وشوف سعره وحاول تكون أقل منه بنسبة بسيطة خصوصا ان انت لسه باديء ومفيش بورتفوليو للشركة لسه.

6- عدم وجود خطة فعلية للعمل :

لو انت حاطط امال عالية عايز تحققها لمشروعك و انت مش متبع خطة معينة و معاك خطط بديلة ليها تبقي خططت للفشل.
لازم دايما يكون عندك بديل لخطتك وتصورات تانيه جاهزة.
احنا دايما بنسمع الناس وهي بتقول ان الخطط الي هنحطها هتتغير نتيجة تغيير السوق فالافضل اننا منحطش خطط !
طبعا ده كلام غلط, صحيح السوق بيتغير وخطتك هتتغير بس اكيد الافضل انك تكون عندك خطة وبتعدل فيها علي انك يكون معندكش خطة خالص.

7- عدم وجود مرونة فى العمل : 

استجابتك بسرعة للتغير الي حصل في السوق يعتبر ميزة تنافسية كبيرة وبتخليك تتحرك اسرع من المنافسين بتوعك ودايما تكون سابقهم.
لازم تدرك فى بعض الوقت انك هتضطر تكسر قواعد فى العمل و تغير الروتين لو لاحظت ان مش بيأدى للنتيجة المرجوة , لو حافظت على عدم المرونة فى اداء العمل كشركة ناشئة , دا هيأدى لفشل مشروعك.

تفتكروا ايه تاني ممكن يكون خطر علي الشركات الناشئة؟

..................................................................................................

7 -  7 مدونات لازم تتابعهم عشان تتعلم منهم الاونلاين ماركتنج :

دايما بيكون عندنا كلنا مشكلة اننا محتاجين مصادر موثوق منها نتعلم منها وتساعدنا اننا نتابع الجديد من غير ما نتوهة في دوامة الانترنت, عشان كده احنا جمعنا ليكوا أهم سبع مصادر ممكن تتعلم منها اونلاين ماركيتنج.

1- http://neilpatel.com/
مؤسس البيدج واحد من أكبر عشر مسوقين على الانترنت ادرك قوة الماركتنج فى اى بزنس و تم الاعتراف بأنه من افضل 100 رائد اعمال فى الامم المتحدة, أسس البيدج لمساعدة الشركات يكبروا البزنس الخاص بهم و ارباحهم من خلال التسويق الالكترونى.

2- https://moz.com/
من أكبرالمجتمعات للمساعدة فى تهيئة محركات البحث خبرتهم في المجال ما يقرب من عشر سنين قدروا من خلالها يعملوا ادوات سهلت علي كتير من الماركتيرز شغلهم. 

3- http://www.hubspot.com/
شركة hubspot واحدة من أهم شركات التسويق في العالم وساهمت في تخريج ماركتيرز علي وعي كبير بالاونلاين ماركيتنج وهي من اوائل الشركات التي نادت بالاهتمام بجودة المحتوي وأشهر استراتيجياتهم ال " inbound marketing 

4- http://www.copyblogger.com/ 

واحدة من أهم الصفحات الي بتخلينا نعرف طرق إبداعية نقدر بيها نجذب انتباة عملاؤنا ونكبر البيزنس الخاص بينا اونلاين.

5- https://blog.crazyegg.com/
الصفحة بتعلمك ازاى تحسن الويب سايت بتاعتك و تمكنك انك تحصل على افضل النتائج ليها 
من خلال التسويق الاكترونى عشان تبقي دايما في الصدارة.

6- http://www.digitalmarketer.com/

تجمع اكثر من رائع لماركتير عندهم شغف وخبرة بالمجال وبيقدموا كل جديد في عالم الديجتال ماركيتنج بشكل يساعدك انك تبقي مطلع علي اكتر من مجال في عالم الديجتال.

7. http://www.wordstream.com/
من أشهر الشركات المتخصصة في اعلانات Google AdWords عندها برامجها الي بتقدمها عشان تسهل عليك عملية الاعلان علي جوجل وفي نفس الوقت المدونة بتاعتها مليانة بالمعلومات والاستراتيجيات الي هتوصلك الي احتراف جوجل ادوردز.

خليك فاكر ان دايما في جديد كل يوم في العلم عشان كدة بننصحك انك تشترك في القائمة البريدية للمواقع دي عشان تفضل دايما متابع الجديد.

..................................................................................................

 

8-  7 اسألة هتتسألهم فى الانترفيو لو مقدم على وظيفة فى مجال الماركتنج :

مش هدفنا في البوست ده انك تعرف الاسئلة واجابتها وتقولها في الانترفيو عشان تنجح وخلاص!
هدفنا انك لو مش عارف الاجابات تفهمها كويس وتتعلم وتبحث فيها عشان لو عندك اي معلومة مش كاملة تكملها.

طبعا دي مش كل الاسئلة بس هي من وجهة نظرنا اسئلة بتتسأل بشكل كبير لاي حد هيقدم علي وظيفة junior marketing specialist.

ما هو التسويق؟

الاجابة الغلط:
انك تعرف التسويق علي انه الدعايا او الترويج او البيع.

الاجابة الصح:
إرضاء احتياجات الناس بطريقة ربحية.
يعني ببساطة انا ببحث علي احتياجات الناس واشوف انا اعرف كشركة ارضي انهي احتياجات بطريقة تكون مربحة للشركة واعمل كده.

لكن التعريف الأشمل للتسويق كما عرفتة المنظمة الامريكية للتسويق American Marketing Association
و هو ان التسويق عباره عن مجموعة من الأنشطة والعمليات اللى بتصنع قيمة creating وبتروج لها communicating وبتوصلها delivering مش بس بهدف فائدة العملاء ولكن كمان للمجتمع بصفه عامة وكمان لشركاء الشركة.

ما الفرق بين التسويق الاليكتروني والتسويق التقليدي؟

الاجابة الغلط:
التسويق الاليكتروني افضل من التسويق التقليدي عشان بيوصل للناس بسعر اقل واحسن بكتير والتسويق التقليدي راحت عليه.

الاجابة الصح:
الفكرة ببساطة في الترويج ان اشوف انسب طريقة عشان اوصل بيها للعميل بتاعي
فلو هوصل ليه عن طريق التليفزيون يبقي اعمل هناك اعلان.
ولو هوصل عن طريق اي حاجة اليكترونية يبقي اعملها.
واحيانا لازم اوصل ليه عن طريق اني اروحله شخصيا لغاية عندة زي مثلا لو هبيع اجهزة طبيبة للمعامل انا محتاج فريق مبيعات يروح المعامل ويروج لمنتجاتي.
يعني مش هنقدر نحدد الطريقة الافضل غير بعد معرفة هو مين العميل المستهدف.

بتتعلم جديد ازاي؟

الاجابة الغلط:
بتابع الي الناس بتكتبة علي الفيسبوك.

الاجابة الصح:
بتابع المواقع الي بتعرفي الجديد في العلم زي مثلا موقع American Marketing Association
وبشوف الكورسات الي بتنزل جديد علي كورسيرا 
وبعض صفحات الفيسبوك زي think marketing magazine

معلومة:
انت لازم فعلا تكون بتجدد معلوماتك وبتابع الصفحات دي مش حافظ اساميهم وخلاص لان ببساطة هيسالك ايه اخر حاجة قريتها عليهم.

اخر كتب قريتها في التسويق ايه؟

الاجابة الغلط:
مقرتش, او مش بحب اقرا.

الاجابة الصح:
انك تكون فعلا بتقرا وتقول اسامي اخر كتب انت قريتها لان الموضوع مش هواية ولا حاجة بتتعمل في اوقات الفراغ.
ولان كل وسائل التعلم الاخري لا تغني عن القراءة.

علي اي أساس بختار الشريحة المستهدفة؟

الاجابة الغلط:
الشريحة الي تكون أكبر.

الاجابة الصح:
عن طريق حاجتين:
الاولي: اني اقدر كشركة اخدم الشريحة دي والبي احتياجتها.
التانية: بيسموها segment attractiveness والي هي معناها ان الشريحة دي مربحة للشركة وفي نفس الوقت تكون بتكبر segment growth لان في بعض الحالات الشريحة بتكون مربحة دلوقتي لكن بعد فترة زمنية معينة الشريحة بتكون اختفت او قلت بدرجة تخليني معرفش اكسب منها.

تعرف ايه عن الاونلاين ماركيتنج؟

الاجابة الغلط:
هو هو التسويق بس عن طريق السوشيال ميديا.

الاجابة الصح:
الاونلاين ماركيتنج هو وسيلة من وسائل الترويج بس عن طريق اي حاجة ديجتال وبتشمل علي حاجات كتيرة منها علي سبيل المثال:
السوشيال ميديا
تحسين الظهور علي محركات البحث SEO
الايميل ماركيتنج 

ايه الفرق بين التسويق والمبيعات؟

الاجابة الغلط:
التسويق والمبيعات واحد.

الاجابة الصح:
فى البيع أنا تركيزى على المنتج نفسه والخصائص بتاعته والنتيجة منتج فى السوق من الجايز ميحققش مبيعات لأن العميل مش فى حاجه ليه .
عكس التسويق أنا هدفى العميل ايه متطلباته واحتياجاته وهل المنتج اللى هقدمه هيرضى المتطلبات بتاعته النتيجة منتج موجود بناء على طلب واقعى عليه .
بمعني أن في فكر المبيعات انا كشركة هصنع منتج معين وأحاول أبيعه.
أما في فكر التسويق قبل ما أصنع المنتج لازم أدرس السوق وأعرف هما محتاجين إية الاول وبعدين أعملة.

.............................................................................................................................

 

9 – 7 وظايف فى الماركتنج :

شباب كتير نفسها تشتغل في التسويق لكن مش عارفين هيشتغلوا ايه تحديدا .. ايه مجالات الشغل جوا التسويق لحد لسه بيبدأ ، هوا دا اللي هتلاقوه في السطور الجايه

1- إدارة العلامة التجارية Brand Management
أو مسئول المنتج Product Specialistوبيكون مسئول عن ما يتعلق بالمنتج من تحليل السوق والمنافسين وتطوير المنتج والحفاظ علي شكل ومستوي العلامة التجارية وبيساعد في توجيه أو تحديد اتجاه المنتج وتوسعاته.

2- البحث التسويقي Market Research
والقسم دا بيختص بجمع المعلومات عن العملاء والاطراف الموجودة في السوق من منافسين وموزعين وموردين وكمان أي عوامل خارجة تانية زي التغيرات الاقتصادية او السياسية المتوقعة وبيدخل فيه الاستخبارات التسويقية أو ال Marketing Intelligence ودي اللي بتحاول تعرف معلومات عن تحركات المنافسين قبل ما تتعمل.

3- التسعير Pricing
التسعير مش مجرد تحديد سعر المنتج وإن كان عملية تحديد سعر المنتج بيدخل فيها تفاصيل واستراتيجيات كتير واللي ممكن تنطلق من مدخل التكلفة زائد هامش ربح واستراتيجية دراسة المنافس وتحليل العملاء كمان ومدي مرونة الطلب والحالة الاقتصادية وغيرها .. كمان الخصومات وانواعها وحدها الأدني.

4- التوزيع distribution Channel
مسئول أو مشرف سلسلة التوزيع بيكون مهمته متابعة تدفق المنتجات من أماكن التصنيع لأماكن البيع واللي ممكن تكون فروع مملوكة للشركة أو شركات شحن بتوصل للعملاء في أماكن مختلفة محلي ودولي وممكن يكون من تخصصاته بتختلف حسب المجال والشركة- متابعة طلبات العملاء والاشراف علي توصيلها وأحيانا بيكون في وكلاء أو فرانشايز بيشرف علي عملية البيع والخدمة بشكل عامة ويتأكد انها مطابقة لشروط التعاقد ومعايير الجودة.

5- الاتصالات التسويقية MarCom
كل نشاط يهتم بالتواصل مع العملاء بشكل مباشر أو غير مباشر يدخل تحت ال Integrated Marketing Communication (IMC) وأشهرها الإعلانات بأنواعها (تليفزيون – راديو – أوتدور ...) والأونلاين ماركتنج (سوشيال ميديا وأعلانات المواقع وتهيئة محركات البحث ...) واللي أحيانا بيكون ليها قسم منفصل.

6- العلاقات العامة Public Relations (PR)
ودا قسم مهمته شكل الشركة قدام المجتمع عموما ومن أنشطته إعداد وتقديم الخطابات الصحفية والرد علي الشائعات وعقد المؤتمرات لتوصيل خبر هام او إطلاق منتج جديد وتنظيم الندوات واللقاءات والقيام بالأنشطة الخيرية نيابة عن الشركة وتصميم وتنفيذ برامج المساهمة المجتمعية Company Social Responsibility Programs (CSR).

7- المبيعات Sales
زي ما شرحنا قبل كدا ان مهمة البيع أو ال Personal Selling هيا جزء من المزيج الترويجي اللي هوا جزء من المزيج التسويقي وبالتالي هي جزء من العملية التسويقية بشكل عام لا يمكن إنكار أهميته .. في منتجات كتير البيع الشخصي بيكون مهم جدا فيها خاصة اللي بيتكون معقدة في تركيبها أو وظيفتها مش هينفع أعتمد علي إعلان في التليفزيون أو في الشارع.
دي كانت بعض من أشهر مجالات أو وظائف التسويق .. تابعونا عشان تعرفوا الخطوات اللي محتاجين تعملوها عشان تشتغلوا في الماركتنج.

.................................................................................................................

10 – 7 أخطاء قاتلة فى ممارسات التسويق :

الماركتنج زي باقي العلوم الإنسانية علم مرن وفيه نسبية عالية ، يعني القواعد الثابتة اللي فيه قليلة، كل موقف بيكون ليه أبعاده اللي بتختلف حسب حجم الشركة ونوع الصناعة او المجال اللي شغالة فيه والظروف الخارجية للبيئة زي الوضع السياسي في البلد والوضع الاقتصادي والتطور التكنولوجي وكمان نوعية العملاء واهتماتهم وغيرها كتير .. دي مجموعة من الأخطاء الشايعة بين كتير من ممارسي التسويق في مصر:

1- السعر الرخيص يبيع أكتر Lower Price .. More Sales
انطلاقا من المبدأ الاقتصادي اللي بيفترض "رشادة المستهلك" يعني كل واحد فينا بيدور علي اللي هوا محتاجه بأقل تكلفة عشان يوفر (ودي قاعدة اقتصادية عامة ليها استثنائات) .. لكن مش دايما العميل بيدور علي الرخيص .. تخيل لو ايفون بقا ب 900ج مثلا هل هيفضل محافظ علي نفس مكانته في ذهن العملاء؟ غالبا لأ .. ودا لأن الايفون بيشبع احتياج عاطفي (وهوا شكلي قدام الناس) غير الاحتياج الوظيفي (Camera, touch, security, design ….) وأمثلة تانية كتير .. عشان كدا مش قاعدة ثابتة ان الشركات تحاول ترخص منتجاتها عشان تبيع أكتر.

2- التليفزيون أحسن وسيلة للإعلان TV Ad is always The Best
لو ميزانية التسويق بتاعتك 100 ألف جنيه في السنة مش هيكفوا تعمل إعلان في التليفزيون .. مفيش قاعدة ثابتة لكن التليفزيون زي ما له مزايا انه بيوصل لناس كتير .. له عيوب ان صعب (مش مستحيل) تقيس العائد بتاعه وكمان صعب تحدد العميل المستهدف عكس الفيسبوك مثلا .. لو بتقدم خدمة زي الاستشارات الادارية للشركات مثلا فمتخذ القرار هيكون المديرين اللي مش بيتفرجوا علي التليفزيون كتير ولما بيتفرجوا فدا بيكون وقت الترفيه مش الشغل .. الخلاصة ان فهمك لطبيعة العميل المستهدف بتساعدك كتير تحدد أنسب وسيلة للترويج.

3- غرق السوق بالمنتج (التوزيع) Distribute Extensively
مايه ايفان الفرنسية اللي ب 12 جنيه تقريبا مش هتلاقيها في الكشك اللي عالناصية لأن ليها فئة معينة مش دا المكان المناسب ليها وزيها موتوسيكلات هارلي ديفيدسون ملهاش غير موزع واحد في مصر .. علي النقيض مايه نستله وسجاير مالبورو وأفران العيش وغيرها منتجات وخدمات مرتبطة بالملائمة convenience لازم تكون تحت ايد وعين العميل باستمرار .. الخلاصة مش لازم منتجك يكون في كل حته.

4- أنا ببيع لكل الناس My Customer is: Everyone
من الصعب جدا علي شركة انها تخدم كل الناس وكلهم يكونوا راضيين عن الخدمة وعن السعر وتكلمهم في الترويج بنفس الرسايل وتوزعلهم في نفس الأماكن .. بعض الشركات الضخمة بتعمل حاجة قريبة من كدا لكن دي حالات خاصة ونادرة جدا .. لكن في الطبيعي المنتج بيخدم سن معين ومستوي دخل معين وثقافة محددة واحتياج محدد .. تحديد الفئة أو الفئات المستهدفة بيسهل علي الشركة خدمتهم في حدود مواردها المحدودة.

5- أعلي جودة بأرخص سعر The Highest Quality with the Lowest Price
الجودة هيا مجموعة معايير بيتم الالتزام بيها في الشركات لضمان مستوي خدمة أو مستوي إنتاجي معين يكون مرضي للعميل .. زي مثلا مراحل تنقية المايه المستخدمة في تصنيع المشروبات بانواعها ونسبة خلط النكهات في الشيبسي وغيرها .. كل نشاط من دول بيتطلب فريق وتدريب ومتابعة ومرتبات وآلات بمواصفات معينة وكلها تكاليف زيادة .. فازاي توصل للعميل أعلي جودة وفي نفس الوقت بأقل سعر .. نادرا ما في شركات بتعمل كدا عن طريق استراتيجيات زي الكفاءة التشغيلية واقتصاديات الحجم لكن دي أوضاع خاصة ونادرة، بالتالي بيكون السهل والمتعارف عليه ان الشركة تقدم جودة عالية بسعر عالي أو جودة عالية بسعر مناسب أو منافس.

6- الوعود الوردية Over-promising
في حكمة مشهورة بتقول ما توعدش بحاجة مش هتقدر توفي بيها .. شركات كتير بتعلي سقف طموحات العميل overpromise وتنزل بيه الأرض وقت التسليم under deliver.. تخيل لو دخلت ستاربكس اللي ال positioning بتاعه انك بيتقضي وقت لطيف في اتموسفير مميز وطلبت القهوة لقيتها بارده او واقع فيها حاجة والمزيكا عالية اوي وال stuff بيعامك وحش .. أو لو طلبت دليفري من ماك (أسرع ديليفري في مصر) وجالك بعد ساعة .. علي المدي الطويل العميل هيحترمك لما توعد وعد علي قدك وتوفي بيه أو تعديه للأحسن.

7- ماينفعش أرفض عميل Firing Customers
بنك HSBC في فترة من الفترات قرر يقفل كل حسابات العملاء اللي فيها أقل من مبلغ معين (10 الاف جنيه تقريبا) .. ممكن حد يستغرب ازاي تمشي عميل من شركتك وهوا بيكسبك! لو كان بيرهقك بطلبات ومشاكل بدون مقابل مجزي هتخرجه بره الفئات المستهدفة بتاعتك، لو بقيت كبير لدرجة تخليك تنقل لشريحة عملاء تكسبك أكتر هترفضه كعميل .. في التجارة هدف الشركة الربح وبأكبر قدر ممكن ودا بيحصل عن طريق حاجات كتير منها اختيار أفضل اتجاه أو عميل أو منتج مربح وليه مستقبل.

وزي ما اتفقنا اللي بيطبق علي شركة ممكن مايكونش مناسب للتانية، المناسب في وقت معين ممكن مايناسبش وقت أو ظروف تانية، مهارة الماركتير أنه يكون عنده قدر كافي من المرونة والمعلومات اللي بتتحدث باستمرار عشان ياخد قرار مناسب لكل موقف.

.............................................................................................................

11-  7 قنوات على اليوتيوب لازم تتابعهم عشان تتعلم ماركتنج :

    7 قنوات يوتيوب لتعلم الماركتنج
1- Harvard Business School
https://www.youtube.com/user/HarvardBSchool 

أحد أكبر وأعرق جامعات العالم ومن أصعب خمس جامعات في شروط قبول الطلبة.
2- Philip Kotler Topic
https://www.youtube.com/channel/UCWLOsVPilZyy_dkg6cR5-hg
من أشهر القنوات الجامعة لفيديوهات فيليب كوتلر.

3- Marketing Magazine
https://www.youtube.com/user/MarketingMagazine

مجلة استرالية تهتم بالماركتنج منذ حوالي 25 سنة.
4- Google Adword
https://www.youtube.com/user/learnwithgoogle

قناة جوجل لكل ما يخص الاعلانات بالكلمات وتهيئة محركات البحث.
5- Web Training Academy
https://www.youtube.com/user/webtrainings

قناة متخصصة لتعليم الأونلاين ماركتنج.
6- Social Media Examiner
https://www.youtube.com/user/socialmediaexaminer
كل ما يخص السوشيال ميديا وتطبيقاتها.

7- Eben Marketing
https://www.youtube.com/user/EbenMarketingMastery/featured
دروس متخصصة في التسويق.

........................................................................................................


Sign In

Register

Reset Password